(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 217

॥ శ్రీః ॥
1.217. అధ్యాయః 217
(అథ విదురాగమనరాజ్యలాభపర్వ ॥ 14 ॥)
Mahabharata - Adi Parva - Chapter Topics
చారద్వారా పాండవవివాహాదివృత్తాంతశ్రవణేన అన్యైః రాజభిః భీష్మధృతరాష్ట్రాదీనాం ధిక్కారః॥ 1 ॥
ధార్తరాష్ట్రైః పాండవాన్ప్రతి మంత్రాలోచనం॥ 2 ॥ పాండవా హంతవ్యా ఇతి శకునేరుక్తిః॥ 3 ॥
పాండవానాం హంతుమశక్యత్వాత్తైః సహ సంధిః కర్తవ్య ఇతి సౌమదత్తేరుక్తిః॥ 4 ॥
Mahabharata - Adi Parva - Chapter Text

వైశంపాయన ఉవాచ। 1-217-0x(1208)(9446)
తతో రాజ్ఞాం చైరరాప్తైః ప్రవృత్తిరుపనీయత।
పాండవైరుపసంపన్నా ద్రౌపదీ పతిభిః శుభా॥ 1-217-1(9447)
యేన తద్ధనురాదాయ లక్ష్యం విద్ధం మహాత్మనా।
సోఽర్జునో జయతాం శ్రేష్ఠో మహాబాణధనుర్ధరః॥ 1-217-2(9448)
యః శల్యం మద్రరాజం వై ప్రోత్క్షిప్యాపాతయద్బలీ।
త్రాసయామాస సంక్రుద్ధో వృక్షేణ పురుషాన్రణే॥ 1-217-3(9449)
న చాస్య సంభ్రమః కశ్చిదాసీత్తత్ర మహాత్మనః।
స భీమో భీమసంస్పర్శః శత్రుసేనాంగపాతనః॥ 1-217-4(9450)
`యోఽసావత్యక్రమీద్యుధ్యన్యుద్ధే దుర్యోధనం తథా।
స రాజా పాండవశ్రేష్ఠః పుణ్యభాగ్బుద్ధివర్ధనః॥ 1-217-5(9451)
దుర్యోధనస్యావరజైర్యౌ యుధ్యేతాం ప్రతీపవత్।
తౌ యమౌ వృత్తసంపన్నౌ సంపన్నబలవిక్రమౌ॥' 1-217-6(9452)
బ్రహ్మరూపధరాఞ్శ్రుత్వా ప్రశాంతాన్పాండునందనాన్।
కౌంతేయాన్మనుజేంద్రాణాం విస్మయః సమజాయత॥ 1-217-7(9453)
`పౌరా హి సర్వే రాజన్యాః సమపద్యంత విస్మితాః।'
సపుత్రా హి పురా కుంతీ దగ్ధా జతుగృహే శ్రుతా॥ 1-217-8(9454)
`సర్వభూమిపతీనాం చ రాష్ట్రాణాం చ యశస్వినీ।'
పునర్జాతానివ చ తాంస్తేఽమన్యంత నరాధిపాః॥ 1-217-9(9455)
ధిగకుర్వంస్తదా భీష్మం ధృతరాష్ట్రం చ కౌరవం।
కర్మణాఽతినృశంసేన పురోచనకృతేన వై॥ 1-217-10(9456)
ధార్మికాన్వృత్తసంపన్నాన్మాతుః ప్రియహితే రతాన్।
యదా తానీదృశాన్పార్థానుత్సాదయితుమిచ్ఛతి॥ 1-217-11(9457)
తతః స్వయంవరే వృత్తే ధార్తరాష్ట్రాశ్చ భారత।
మంత్రయంతి తతః సర్వే కర్ణసౌబలదూషితాః॥ 1-217-12(9458)
శకునిరువాచ। 1-217-13x(1209)
కశ్చిచ్ఛత్రుః కర్శనీయః పీడనీయస్తథాఽపరః।
ఉత్సాదనీయాః కౌంతేయాః సర్వక్షత్రస్య మే మతాః॥ 1-217-13(9459)
ఏవం పరాజితాః సర్వే యది యూయం గమిష్యథ।
అకృత్వా సంవిదం కాంచిన్మనస్తప్స్యత్యసంశయం॥ 1-217-14(9460)
అయం దేశశ్చ కాలశ్చ పాండవాహరణాయ నః।
న చేదేవం కరిష్యధ్వం లోకే హాస్యా భవిష్యథ॥ 1-217-15(9461)
యమేతే సంశ్రితా వస్తుం కామయంతే చ భూమిపం।
సోఽల్పవీర్యబలో రాజా ద్రుపదో వై మతో మమ॥ 1-217-16(9462)
యావదేతాన్న జానంతి జీవతో వృష్ణిపుంగవాః।
చైద్యశ్చ పురుషవ్యాఘ్రః శిశుపాలః ప్రతాపవాన్॥ 1-217-17(9463)
ఏకీభావం గతో రాజ్ఞా ద్రుపదేన మహాత్మనా।
దురాధర్షతరా రాజన్భవిష్యంతి న సంశయః॥ 1-217-18(9464)
యావచ్చంచలతాం సర్వే ప్రాప్నువంతి నరాధిపాః।
తావదేవ వ్యవస్యామః పాండవానాం వధం ప్రతి॥ 1-217-19(9465)
ముక్తా జతుగృహాద్భీమాదాశీవిషముఖాదివ।
పునస్తే యది ముచ్యంతే మహన్నో భయమాగతం॥ 1-217-20(9466)
తేషామిహోపయాతానామేషాం తు చిరవాసినాం।
అంతరే దుష్కరం స్థాతుం గజయోర్మహతోరివ॥ 1-217-21(9467)
హనధ్వం ప్రగృహీతాని బలాని బలినాం వరాః।
యావన్నః కురుసేనాయాం పతంతి పతగా ఇవ॥ 1-217-22(9468)
తావత్సర్వాభిసారేణ పురమేతద్విహన్యతాం।
ఏతన్మమ మతం చైవ ప్రాప్తకాలం నరర్షభ॥ 1-217-23(9469)
వైశంపాయన ఉవాచ। 1-217-24x(1210)
శకునేర్వచనం శ్రుత్వా భాషమాణస్య దుర్మతేః।
సోమదత్తిరిదం వాక్యం జగాద పరమం తతః॥ 1-217-24(9470)
ప్రకృతీః సప్త వై జ్ఞాత్వా ఆత్మనశ్చ పరస్య చ।
తథా దేశం చ కాలం చ షడ్విధాన్స నయోద్గుణాన్॥ 1-217-25(9471)
స్థానం వృద్ధిం క్షయం చైవ భూమిం మిత్రాణి విక్రమం।
ప్రసమీక్ష్యాభియుంజీత పరం వ్యసనపీడితం॥ 1-217-26(9472)
తతోఽహం పాండవాన్మన్యే మిత్రకోశసమన్వితాన్।
బలస్థాన్విక్రమస్థాంశ్చ స్వకృతైః ప్రకృతిప్రియాన్॥ 1-217-27(9473)
వపుషా హి తు భూతానాం నేత్రాణి హృదయాని చ।
శ్రోత్రం మధురయా వాచా రమయత్యర్జునో నృణాం॥ 1-217-28(9474)
న తు కేవలదైవేన ప్రజా భావేన భేజిరే।
యద్బభూవ మనఃకాంతం కర్మణా స చకార తత్॥ 1-217-29(9475)
న హ్యయుక్తం న చాసక్తం నానృతం న చ విప్రియం।
భాషితం చారుభాషస్య జజ్ఞే పార్థస్య భారతీ॥ 1-217-30(9476)
తానేవంగుణసంపన్నాన్సంపన్నాన్రాజలక్షణైః।
న తాన్పశ్యామి యే శక్తాః సముచ్ఛేత్తుం యథా బలాత్॥ 1-217-31(9477)
ప్రభావశక్తిర్విపులా మంత్రశక్తిశ్చ పుష్కలా।
తథైవోత్సాహశక్తిశ్చ పార్థేష్వప్యధితిష్ఠతి॥ 1-217-32(9478)
మౌలమిత్రబలానాం చ కాలజ్ఞో వై యుధిష్ఠిరః।
సాంనా దానేన భేదేన దండేనేతి యుధిష్ఠిరః॥ 1-217-33(9479)
అమిత్రాంశ్చ తతో జేతునం న రోషేణేతి మే మతిః।
పరిక్రీయ ధనైః శత్రుం మిత్రాణి చ బలాని చ॥ 1-217-34(9480)
మూలం చ సుకృతం కృత్వా భుంక్తే భూమిం చ పాండవః।
అశక్యాన్పాండవాన్మన్యే దేవైరపి సవాసవైః॥ 1-217-35(9481)
యేషామర్థే సదా యుక్తౌ కృష్ణసంకర్షణావుభౌ।
శ్రేయశ్చ యది మన్యద్వం మన్మతం యది వా మతం॥ 1-217-36(9482)
సంవిదం పాండవైః సర్వైః కృత్వా యామ యథాగతం।
గోపురాట్టాలకైరుచ్చైరుపతల్పశతైరపి॥ 1-217-37(9483)
గుప్తం పురవరశ్రేష్ఠమేతదద్భిశ్చ సంవృతం।
తృణధాన్యేంధరసైస్తథా యంత్రాయుధౌషధైః॥ 1-217-38(9484)
యుక్తం బహుకవాటైశ్చ ద్రవ్యాగారసువేదికైః।
భీమోచ్ఛ్రితమహాచక్రం బృహదట్టాలసంవృతం॥ 1-217-39(9485)
దృఢప్రాకారనిర్యూహం శతఘ్నీశతసంకులం।
ఐష్టకో దారవో వప్రో మానుషశ్చేతి యః స్మృతః॥ 1-217-40(9486)
ప్రాకారకర్తృభిర్వీరైర్నృగర్భస్తత్ర పూజితః।
తదేతన్నరగర్భేణ పాండరేణ విరాజతే॥ 1-217-41(9487)
సాలేనానేకతాలేన సర్వతః సంవృతం పురం।
అనురక్తాః ప్రకృతయో ద్రుపదస్య మహాత్మనః॥ 1-217-42(9488)
దానమానార్జితాః సర్వే బాహ్యాభ్యంతరగాశ్చ యే।
ప్రతిరుద్ధానిమాంజ్ఞాత్వా రాజభిర్భీమవిక్రమైః॥ 1-217-43(9489)
ఉపయాస్యంతి దాశార్హాః సముదగ్రోచ్ఛ్రితాయుధాః।
తస్మాత్సంంధిం వయం కృత్వా ధార్తరాష్ట్రస్య పాండవైః॥ 1-217-44(9490)
స్వరాష్ట్రమేవ గచ్ఛామో యద్యాప్తం వచనం మమ।
ఏతన్మమ మతం సర్వైః క్రియతాం యది రోచతే।
ఏతద్ధి సుకృతం మన్యే క్షేమం చాపి మహీభితాం॥ ॥ 1-217-45(9491)

ఇతి శ్రీమన్మహాభారతే ఆదిపర్వణి విదురాగమనరాజ్యలాభపర్వణి సప్తదశాధికద్విశతతమోఽధ్యాయః॥ 217 ॥

Mahabharata - Adi Parva - Chapter Footnotes
1-217-29 భేజిర అర్జునమితి శేషః॥ సప్తదశాధికద్విశతతమోఽధ్యాయః॥ 217 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.